بىلتىرعى جىلدىڭ ۇزدىك ءفيلمى اتانعان «انورا» كومەديالىق دراماسى بەس بىردەي «وسكار» سىيلىعىنا يە بولدى. الايدا كورشىلەس وزبەك ەلى ونى كورسەتۋگە تىيىم سالىپ وتىر, دەپ حابارلايدى Egemen.kz.
فيلم ۇيىققىشتار ءۇيىنىڭ بىرىندە تانىسقان ەتنيكالىق وزبەك قىزى انورا مەن ورىس وليگارحىنىڭ ۇلى ۆانيانىڭ اراسىنداعى ماحابباتقا نەگىزدەلگەن. ەكى عاشىقتىڭ قوسىلۋىنا قارسى بولعان اتا-انانىڭ ارەكەتى مەن ۆانيانىڭ جىگەرسىزدىگى سيۋجەتتىڭ دراماسىنا وزەك بولادى.
بىرقاتار كينوسىنشى بۇل ءفيلمدى ەڭ جوعارعى سىيلىققا لايىق دەپ تانىسا, كەيبىرى تۋىندىنىڭ ساپالىق دەڭگەيى وتە تومەن ەكەنىن العا تارتادى. ولار بۇل پىكىرىن فيلمدە اشىق ساحنالاردىڭ شەكتەن تىس كوپ بولۋىمەن بايلانىستىرادى.
بۇعان وزبەكستاننىڭ ءبىرشاما ازاماتى نارازىلىعىن ءبىلدىردى.وسى سەبەپتى وزبەك بيلىگى بۇل ءفيلمدى ەل كينوتەاترلارىنان جانە ونلاين-پلاتفورمالاردان كورسەتۋگە تىيىم سالدى.